Baydhabo,(insidesomalia.org)- Golaha Guurtida Beelaha Digil iyo Mirifle ayaa amaan darida ka jirta Magaalada Baydhabo ku eedeeyay Ciidamada Itoobiya ee jooga Magaaladaasi.

Afhayeenka Golaha Guurtida Digil iyo Mirifle Malaaq Aadan Ibaarhin Dhaayoow ayaa ku eedeeyay amaan darida ka Jirta Gobolada Bay iyo Bakool gaar ahaan Magaalada Baydhabo in ay ka danbeeyaan Ciidamada Dowladda Soomaaliya iyo kuwa Itoobiya.

Sidoo kale afhayeenka ayaa sheegay in dhibaatooyin fara badan lagu hayo shacabka Gobolkadasi, kuwasi oo isug jira dil,xarig,barkicin, isagoo sheegay in ay Magaalada Baydhabo ay leedahay hal wado oo kaliya, taasi oo ay xirtaan Ciidamada Itoobiyaanka, tasi oo dhibaato ku ah shacabka Magaalada Baydhabo oo markii horaba la daalaa dhacayay sicir bararka iyo abaaraha saameeyay dhamaan Dalka Soomaoliya.

Malaaqa ayaa intaa raaciyay in dadka ku dhaqan Magaalada Baydhabo intooda badana ay si weeyn u soo dhaweeyeen Ciidamada Itoobiyaanka markii ay soo galayeen Magaalada Baydhabo iyagoo aamisanaa in ay ku sii jeeden Magaalada Muqdisho, isla markaana aysan wax dhibaato u geeysaneeyn, balse nasiib daro ay tahay in iyaga la laayo sida uu hadalka uu u dhigeye.

Ugu dabneeyntii waxaa uu ugu baaqay dhamaan qeeybaha kala duwan ee Bulshada Gobolka Bay gaar ahaan Magaalada Baydhabo in ay iska kaashaadan sidii amaanka Magaaladaasi loo sugi lahaa.

Hadalka Malaaqa ayaa ku soo beegmaya xili dhawaanahan ay Magaalada Baydhabo ka dhacayeen falaal amaan dari ah oo saameeyn weeyn ku yeeshay dhaamaan qeeybaha kala duwan ee Bulshada, waxaana sidoo kale uu hadalkasi ku soo beegmayaa xili xalay ilaa shalay ay Magaalada Baydhabo ka dheceen dilal loo geystey dad shacab ah.